«Խաղաղություն ես ուզում՝ պատրաստվիր պատերազմի» խորագրով միջոցառում

Սցենարի հեղինակը հայոց լեզվի և գրականության ուսուցչուհի Մառլենա Սիմոնյանն էր: Իր ելույթում նա նշեց, որ Ղարաբաղյան պատերազմը մեր նորօրյա Ավարայրն էր ու Սարդարապատը, քանի որ հայ ազատամարտիկները մարտնչում էին «Իմացյալ մահը անմահություն է» գիտակցությամբ: Մեծարելով Արամ Մինասյանին՝ մեծարանքի խոսքերը հասցեագրվում էին բոլոր քաջորդիներին, ովքեր չխնայեցին իրենց կյանքը՝ դնելով այն հայրենիքի զոհասեղանին:

 

Հյուրերի շարքում էին Արամի ծնողները, հարազատները, երկրապահ կամավորական ջոկատ հրամանատար Ալբերտ Բազեյանը, Արամի դասընկերները, և երկրապահ կամավորական միություն Էրեբունու տարածքային բաժանմունքի նախագահ Հովհ. Մարտիրոսյանը: