Աշակերտների ստեղծագործությունների ցուցահանդես Բյուրեղավանում

Դիզայնը նյութական միջավայրի ձևավորման նախագծային, գեղարվեստա-տեխնիկական գործունեության ձևն է: Ցանկացած առարկա (բացառությամբ արվեստի ստեղծագործությունների) հնարավոր է վերափոխել, այդ թվում  նաև թուղթը: Թղթի վերափոխումն ունի բազմաթիվ ճյուղեր, որոնցից երկուսը ընտրել և իրականացրել են մեր աշակերտները` կվիլլինգ և օրիգամմի:

 

Դեռևս XV դարում կվիլլինգը համարվում էր մեծ արվեստ: Կվիլլինգով աշխատում էին միանձնուհիները` սրբապատկերների շրջանակներ պատրաստելու համար:

 

Մեր աշակերտները սովորեցին այդ գեղեցիկ արվեստի նրբությունները, սովորեցին գունաբանություն, կարողանում են պատրաստել գեղեցիկ պատկերներ: Նրանք տաք և սառը գույները կարողանում են տարբերել, համընկեցնել, ճիշտ ընտրել երանգները:

Աշակերտները 2012-2013 և 2013-2014 ուսումնական տարիների ընթացքում տարբեր ցուցահանդեսներ են կազմակերպել: Վերջիններս հիացմունք և զարմանք են առաջացրել:

 

ՈՒսումնական տարվա ավարտին դպրոցի սաների ներկայացրած հրաշալի աշխատանքները մեծ ոգևորություն առաջացրին տարիքով փոքր աշակերտների մոտ: Հավանաբար 2014-2015 ուսումնական տարում ավելի շատ թվով աշակերտներ ցանկություն կհայտնեն ընդգրկվելու դիզայնի խմբակում:

 

Դասընթացը վարում և իրականացնում է տեխնոլոգիայի ուսուցչուհի Հասմիկ Հովսեփյանը` բազմաշնորհ ու համեստագույն մարդ, ով ջանք ու եռանդ չի խնայում մատաղ սերնդի դաստիարակման և ուսուցման պատասխանատու գործում: