Միջոցառում Գյումրու թիվ 20 դպրոցում

«Կռունկ», «Դլե յաման», «Երազ», «Բարի Լուսոն», «Գութան», «Լորիկ», «Ծովակ» երգերի մանկական կատարումն իր ողջ հուզականությամբ, անմիջականությամբ ներկաներին հաղորդում էր անցած հարյուրավոր տարիների հոգեպարար հևքը, և միջոցառման յուրաքանչյուր մասնակից իր կրծքի տակ ավելի ուժեղ էր զգում սրտի բաբախումը, քանզի Կոմիտաս վարդապետի կյանքը անմիջականորեն կապվում է Հայոց մեծ ողբի` Եղեռնի հետ:

 

Եղեռնազարկ գրողների և Կոմիտասի դիմանկարներով ձևավորված դահլիճը, աշակերտների հանդիսավոր և հպարտ կեցվածքը հուզել էր ներկաներին: Միջոցառման ավարտին, որպես խոնարհումի նշան և հարգանքի տուրք, աշակերտների կողմից ձևավորված ծաղկեպսակը տեղափոխվեց Հերհերի ձոր:

 

Գոհար Քեչեջյանին հաջողվել էր բարձր մակարդակով ներկայացնել և´ կոմիտասյան երաժշտությունը, և´ ազգային երաժշտական մշակույթը, և´ հայ ժողովրդի պատմության ամենատխուր և ցավոտ էջերից մեկը:  Միջոցառումը հայրենասիրության մեծ դաս էր յուրաքանչյուր աշակերտի համար: