«Գիքորը»՝ պատմվածքի բեմականացում

Մայրենի լեզվի ուսուցչուհի Հռիփսիմե Դավթյանի նախաձեռնությամբ 6-րդ դասարանի աշակերտները բեմականացրին Հ. Թումանյանի «Գիքորը» պատմվածքը: 

 

Դահլիճը ձևավորվել էր համապատասխան դեկորացիաներով, միջոցառման ընթացքում հնչում էր Տ. Մանսուրյանի հոգեպարար երաժշտությունը, աշակերտները կարողացել էին յուրացնել Լոռու և Թիֆլիսի բարբառները,հանդիսատեսին հուզեզ նաև նրանց խաղը:

 

Նրանք մեծ խանդավառությամբ և պատասխանատվությամբ էին պատրաստվել բեմականացմանը, անգամ ներկայացման ընթացքին անհրաժեշտ որոշ իրեր և հագուստի պարագաներ աշակերտները իրենց ձեռքերով էին պատրաստել: Չնայած նորանշանակ ուսուցչուհու մտավախությանը, քանզի դա իր առաջին միջոցառումն էր, ներկայացումը անցավ հաջող, աշխատանքը ընդունվեց ոչ միայն մանկավարժական կոլեկտիվի և աշակերտների կողմից, այլև համագյուղացիների հուզմունքին և ծափողջյուններին արժանացավ: