Ուխտագնացություն դեպի Գեղարդավանք

Ուխտագնացության նպատակն էր դարձյալ նորոգել ուխտն Աստծո առջև, աղոթել երկրի բարօրության և խաղաղության համար, ինչպես նաև աշակերտներին ծանոթացնել հայ ճարտարապետության կողոթողների և մշակութային արժեքների հետ: Ուխտագնացության առաջին հանգրվանը Աբովյանի Սուրբ Հովհաննես Մկրտիչ եկեղեցին էր:

 

Հոգեզմայլ շարականների երգեցողության ներքո ուխտավորները միասնական աղոթք բարձրացրեցին առ Աստված, ապա քահանա Տեր Արսեն Համբարձումյանը ողջույնի խոսք ասաց և օրհնեց աշակերտներին: Տեր Հայրն աշակերտներին հորդորեց աստվածասիրությամբ, անսասան հավատով իրենց ծառայությունը բերել հայոց ազգին` փարված մնալով Եկեղեցուն և լծակից լինելով հոգևորականներին` Հայ Եկեղեցու առաքելության իրականացման մեջ:

 

Աշակերտները եկեղեցուց հեռացան այն հաստատ համոզմամբ, որ առ Աստված հավատքով ամրացնելու են իրենց հոգիները, արհամարհելու և խորտակելու են ամեն տեսակի խոչընդոտ և պատվար:

 

Ուխտավորները շարունակեցին իրենց ճանապարհը դեպի Գեղարդավանք: Այստեղ նրանք ծանոթացան վանքի պատմությանը, շրջեցին քարայրախցերով և միասնական աղոթքով ամփոփեցին իրենց օրը` հավատքով, որ իրենց աղոթքներն ու ուխտն ընդունելի կլինի Բարձրյալին: