Բաց դաս Արտաշատի թիվ 5 դպրոցում

Երեխաները ակտիվ մասնակցեցին դասին, լուծեցին շատ հետաքրքրաշարժ և տրամաբանական խնդիրներ,

ամբողջ դասը անցավ շատ հաճելի և ուրախ մտնոլորտում. խնդիրները լուծեցին խաղի, խաչբառի և գլուխկոտրուկի տեսքով:

 

Բաց դասին ներկա էին դպրոցի տնօրեն տիկին Ռ. Հայրապետյանը և ուսուցիչներ: Հնչեցին գոհունակության և շնորհակալական խոսքեր:

 

Վերջում աշակերտներին հյուր եկավ «Մաթեմատիկայի գիրքը» և շնորհավորեց գերազանց առաջադիմություն ունեցողներին, հանձնեց անակնկալ նվերներ, իսկ մի քանի աշակերտներ ստացան շնորհակալագրեր:

 

Հատուկ նվեր հանձնեց Հարություն Բաբայանին, ով մեկ դասաժամում լուծել էր 12 բարդ խնդիրներ և ստացել էր 12 գերազանց գնահատական:

 

Նվերներ ստացան նաև դասարանի 3 գերազանցիկ աղջիկները՝ Սոնա Ղարիբյանը, Ռիմա Գաբրիելյանը և Սոնա Խաչատրյանը:

 

Այս տարեվերջյան հրաշք դասը կազմակերպել էր դասղեկ և մաթեմատիկայի ուսուցչուհի Շողիկ Կոստանյանը: