«Հայաստանի յոթ և բյուր հրաշալիքները»

Միջոցառումը բազմաբովանդակ էր: Երեխաների մոտ նկատելի էր գեղագիտական և հայրենասիրական դաստիարակությունը:

Պատրաստել էին մի օդապարիկ, որը չորրորդ դասարանի աշակերտներին տեղափոխում էր Հայաստանի գեղատեսիլ վայրերով, թռցնում էր ժամանակի միջով ցուցադրելով Հայաստանի հրաշալիքները: Օդապարիկի օդաչուն հեռադիտակի միջոցով ներկայացնում էր հրաշալիքը, իսկ ընկերները շարունակում լրացնել այդ հրաշալիքի մասին ունեցած իրենց գիտելիքներով:

 

Հրաշալիքների շարքում էին՝ Մ. Մաշտոցը, Հ. Թումանյանը, Ա. Խաչատրյանը, Մ. Սարյանը, Սասունցի Դավիթը, Հայկ Նահապետը, Վ. Մամիկոնյանը, ինչպես նաև Գեղամա տիրուհի՝ Սևանա լիճն ու մեր սուրբ լեռը՝ Արարատը: Յուրաքանչյուր հրաշալիք յուրովի էին ներկայացնում երեխաները, մեծ ոգևորությամբ և հիացմունքով: 

 

Հիացած էր նաև հանդիսատեսը՝ աշակերտների ոգեթովիչ ասմունքից:

Երեխաներին իրենց ողջույնի խոսքով ոգևորեցին դպրոցի տնօրեն՝ Մարինե Ղազարյանը և ուսմասվար՝ Վարսենիկ Հարությունյանը:

 

Գեղեցիկ երգի հնչյունների ներքո երդվեցին պատվով կրել հայի անունը, ծափերի տարափի ներքո էլ հրաժեշտ տվեցին տարրական դպրոցին և մեծ ակնկալիքներով ճանապարհվեցին դեպի միջին դպրոց: