«Գարունը մեր շուրթերով»

Միջոցառումը կազմակերպել էր նախակրթարանի դաստիարակչուհի Նարինե Վարդանյանը: Դահլիճը զարդարված էր գարնանային շնչով` գեղեցիկ ծառեր, գույնզգույն ծաղիկներ, զանազան միջատներ` զատիկ, թիթեռ, մեղուների պարս, թռչուններ:

 

Երեխաները ներկայացրին գրական–երաժշտական կոմպոզիցիա նվիրված ծաղիկներին, թռչուններին, անձրևին, ամպիկին, արևին: Մանուկները երգեցին ուրախ երգեր, հանդես եկան պարերով, մանկական բեմադրություններով ու գեղեցիկ բանաստեղծություններով:

 

Եզրափակիչ խոսք ասաց տնօրեն` Ս. Ղազարյանը, ելույթ ունեցան փոխտնօրեններ` Լ. Մելքոնյանը, Ե. Եղիազարյանը և ծնողներ: