Հրաժեշտ ''Букварь''-ին

Աշակերտները գիտակցելով օտար լեզու իմանալու, օտար լեզվին տիրապետելու, օտար լեզվով խոսելու կարևորությունը, լավ սերտում են: Քանի լեզու գիտես, այդքան էլ մարդ ես, ասույթը միջոցառմանը պատրաստվել էին ամենայն լրջությամբ։

 

Միջոցառումը սկսվեց ռուսերեն ողջույնի խոսքով։ Այնուհետև մեկը մյուսին լրացնելով նրանք յուրաքանչյուր հնչյուն–տառի գովքն ու հմայքը ներկայացրեցին: Աշակերտները մեծ վարպետությամբ հմուտ ու վարժ խաղացին դպրոցական կյանքից փոքրիկ բեմականացումներում։ Շատ կարևորելով համերաշխությունը ուսման մեջ և կյանքում նրանք հանելուկների կռահման միջոցով ''Дружба'' բառի բոլոր տառերը ետ բերեցին չար Բարմոլեից։ Իրենց ռուսալեզու ասմունքով, բառերի ճիշտ շեշտադրումով աշակերտները զարմացրեցին հանդիսատեսին։

 

Մեծ շուքով նրանք շնորհակալություն հայտնեցին իրենց ռուսալեզու առաջին ընկեր-դասագրքին՝ ''Букварь''-ին, որն համբերատար ու սիրով իրենց օգնեց սովորել կարդալ ու գրել ռուսերեն լեզվով։ Ամբողջ միջոցառումը ուղեկցվեց աշակերտների քաղցրահնչյուն երգերով,որոնք շոյում էին հանդիսատեսի ականջը։ Միջոցառմանը առավել շքեղություն տվեցին Բուրատինոյի և չարաճճի Շլդիկների պարը, իսկ փոքրիկ պարուհի Նարեն հիացրեց հանդիսատեսին իր ''Калинка''-ով։

 

Երկրորդ դասարանցիները մեծ սիրով իրենց սիրելի դասագիրքը նվիրեցին առաջին դասարանցիներին, որոնք էլ թզուկների պարով հայտնեցին իրենց շնորհակալությունը։

 

Միջոցառման կազմակերպիչներ Մագդա Դալլաքյանը և Լիաննա Սարգսյանը ջանք ու եռանդ չէին խնայել հանդիսատեսին բարձրաճաշակ ու բազմաբովանդակ միջոցառում պարգևելու նամար, և արժանացան գովեստի խոսքերի դպրոցի տնօրեն Մերի Սարգսյանի, փոխտնօրեններ Անուշ Հարությունյանի, Թեհմինե Հայրապետյանի և Գայանե Գալստյանի կողմից։Միջոցառման ավարտին դասվար Սվետլանա Եղյանը աշակերտներին հանձնեց՝ ռուսաց լեզվի տառերի լիարժեք իմացության կապակցությամբ վկայականներ։