Մայիսյան եռատոները Վահան գյուղում

Աշակերտների և ուսուցիչների զարմանքն ու հիացմունքը շատ մեծ էր...Օրը հագեցած էր. զինվորական շքերթը` իր հաստատուն, խրոխտ քայլքով, երգերով, թունդ էր հանում բոլորիս սրտերը: Այն ցուցադրում էր մեր զորքի պատրաստականությունը, ուժը, կորովը, գեղեցկությունը: Բոլորս մեկ անգամ ևս համոզվեցինք, որ այսօր մեր երկիրն ունի կայացած և հզոր բանակ, որն իր մարտունակությամբ չի զիջում շատ բանակների: 

 

Աշակերտներն էլ իրենց երգով, ասմունքով, պարով ուրախացրին զինվորներին և լցրին նրանց առօրյան: Այնուհետև դիտեցին ֆիլմ` նվիրված Շուշիի ազտագրմանը:

 

Աշակերտների և զինծառայողների միջև կազմակերպվեց ֆուտբոլի և վոլեյբոլի մրցույթ, ապա այցելեցին Վահան գյուղ: Աշակերտնեը և ուսուցիչները այցելեցին նաև գյուղի դիմացի բարձունքում գտնվող հուշարձան-կոթող, որտեղ հանգչում են հայ-ադրբեջանական կռիվների ժամանակ գյուղի սահմաններում զոհված համագյուղացիների շիրիմները:

 

Տիկին Թորոսյանի ուղեկցությամբ ծաղիկներ դրվեցին հուշաքարերին: Հուշարձանի հարևանությամբ գտնվում էր թանգարանը, որտեղ կային վավերագրական փաստեր, նկարներ, տվյալներ Մեծ հայրենականում  և Շուշիի ազատագրման ժամանակ նահատակված համագյուղացիների մասին:

 

Վահան գյուղը սահմանամերձ գյուղ է: Գտնվելով սահմանամերձ գյուղում` ուսուցիչներն ու աշակերտները լցվել էին տարբեր խոհերով և մտքերով:

 

Օրն ավարտվեց վառ տպավորություններով, և աշակերտներն ու ուսուցիչները վերադարձան` լցված նոր գիտելիքներով ու նպատակներով, համակված հայրենասիրության մեծ  զգացումով: