Երվանդ Օտյանի անվան թիվ 7 դպրոցի մի խումբ աշակերտներ այցելեցին Հայաստանի ազգային պատկերասրահ

Աշակերտները մեծ բավականություն ստացան այդ այցելությունից, քանի որ սեփական աչքերով տեսան ոչ միայն հայ, այլև համաշխարհային ճանաչում ունեցող արվեստագետների հայտնի գործերը, որոնց մասին միայն լսել էին կամ ծանոթացել դասագրքերից: 

Նրանց մանկական հոգիները ջերմացան ոգեղեն գույների կախարդական աշխարհում և հաղորդակից եղան իսկական արվեստի բարձրագույն ոլորտներին:

 

Մեծ խանդավառությամբ էին լսում պարոն Շատվորյանի բացատրությունները, յուրաքանչյուր կտավի ստեղծման պատմությունը, իսկ երբեմն էլ իրենց զգացածն ու տեսածը քննարկում էին ուսուցիչների հետ: Հատկապես բոլորին շատ էին դուր եկել Էջմիածնեցի նկարիչ Եղ. Թադևոսյանի վրձնին պատկանող գործերը, և երկար ժամանակ անցկացրին հենց այդ սրահում. գուցե իրենց համաքաղաքացու մասին ավելի՞ն էին ուզում իմանալ…:

 

Տեղեկացնենք, որ «Dasaran.am» կրթական ծրագրի այս նախաձեռնությունը կրում է շարունակական բնույթ: