Ցուցահանդես «Շնորհալի ձեռքեր» խորագրով

Ցուցահանդեսի կազմակերպիչը՝ տեխնոլոգիայի ուսուցչուհի Անահիտ Քերյանն էր, ում գլխավորությամբ երեխաները ցուցահանդեսին էին ներկայացրել տարվա ընթացքում իրենց պատրաստած լավագույն աշխատանքները:

 

Բազմաթիվ էին հետաքրքիր մտահղացումներով ցուցանմուշները, տարբեր նյութերից պատրաստած ձևանմուշները:

Առանձին բաժին էր հատկացված գոբելեն աշխատանքներին: Այստեղ գեղեցիկ գործվածքները շատ էին, բայց 6-րդ դասարանի աշակերտուհի Թամարա Մարտիրոսյանի գործած «Ծաղկեփունջ» գոբելենն արտակարգ էր:

 

Հետաքրքիր աշխատանքներ էին ներկայացրել նաև տարրական դպրոցի աշակերտները: Ուշագրավ էր 4-րդ դասարանի աշակերտ Պատվական Ջիլավյանի փայտե խաչքարը:

 

Ցուցահանդեսն էլ ավելի հետաքրքիր դարձավ, երբ վերջում 5-րդ, 6-րդ և և 7-րդ դասարանների աղջիկները իրենց պատրաստած և գեղեցիկ ձևավորած համեղ թխվածքները հանեցին վաճառքի: Ցուցահանդեսի ընթացքում մեծ էր և՛ մասնակիցների, և՛ մյուս դասարանների աշակերտների, և՛ ուսուցիչների ու ծնողների ոգևորությունը:

 

Տնօրեն Գ. Սարգսյանը բարձր գնահատեց երեխաների աշխատանքները, խրախուսեց նրանց և մաղթեց հետագա հաջողություններ: