Արցախյան պատմությունը Արգավանգի միջնակարգ դպրոցի սաների աչքերով

Արգավանդի միջնակարգ դպրոցի դահլիճի բեմում արցախյան գոյամարտն էր` սկսման օրից մինչ այսօր: Միջոցառման կազմակերպիչը` Էլմիրա Ոսկանյանը, աշակերտների հետ վերականգնել էր Արցախ աշխարհի համար մղվող հայ մարտիկների պայքարի պատմության անցյալն ու ներկան: Աշակերտները, որոնք վաղվա զինվորներն են, հարկ եղած դեպքում այսօրվա Վարդան ու Լեոնիդ, Հովսեփ ու Վլադիմիր, ներկայացրեցին հայ ժողովրդի պայքարի առօրյան` բառի լայն իմաստով: Միջոցառմանը հետևում և իրենց անմիջական մասնակցությունն էին բերել արցախյան պայքարում ծնված հերոսները, ոմանք էկրանից, ոմանք էլ դահլիճից հետևելով նորաթուխ զինվորների հայրենասիրական դաստիարակության գործընթացին, որի սերմերը ցանվում են հենց դպրոցում: