Գեղեցիկ միջոցառում Ռյա-Թազայի միջնակարգ դպրոցում

Դահլիճը զարդարված էր պատկերազարդ տառերով ու գույնզգույն փուչիկներով, իսկ բեմում I դասարանցիներն էին «Հրաժեշտ Այբենարանին» միջոցառումով:

 

Փոքրիկներն իրենց սրտի խոսքն էին հղում ուսուցիչներին, ովքեր ջանք ու եռանդ չէին խնայել ոսկեղենի տառերի ուսուցման գործում:

Ուսուցչուհի Ելենա Մխիթարյանը ուշադրություն էր դարձրել ոչ միայն իր սաների գեղեցիկ հագուստներին, այլ նար դահլիճի ձևավորմանն  ու կահավորմանը:

 

Աշակերտները ներկայացրին նաև փոքրիկ բեմանականացում «Կամակոր աղջիկը», որը մեծ աշխույժություն հաղորդեց դահլիճին:

Աշակերտները խոստացան լավ սովորել ու բարձր պահել սուրբ Մաշտոցի պատվիրանը և արժանի լինել նրա աշակերտը կոչվելուն:

 

Միջոցառման ընթացքում փոքրիկ սաները ցույց տվեցին նաև իրենց մաթեմատիկական գիտելիքները: Այդ ամենը ուղեկցվեց երգով ու պարով: Ուսուցչուհին ու նրա աշակերտները արժանացան ծնողների և ուցուցչական կոլեկտիվի գովեստին: