Միջոցառում նվիրված Կոմիտասի 145 ամյակին

Դահլիճում թևածում էր Կոմիտասյան շունչն ու ոգին. Կոմիտասի մեծադիր նկար, գեղեցիկ ձևավորում, պատի թերթ, մեծերի խոսքեր …

Դահլիճի խորհրդավոր լռության մեջ աշակերտները ներկայացրին Կոմիտասի կյանքի անմոռաց էջերը` մանկություն, ճեմարան, համերգներ, դասախոսություններ, պատառիկներ նամակներից, հուշագիրների հուշեր, գնահատանքի խոսքեր…

 

Երգչախմբի կատարմամբ հնչեցին «Կաքավիկ», «Հով արեք», «Սոնա յար», «Խնկի ծառ», «Ալագյազ» երգերը: Ընթացքում հնչեցին Կոմիտաս վարդապետի ստեղծագործությունները` խմբերգեր, մեներգեր, դաշնամուրային գործեր, հնչեցին Լուսինե Զաքարյանի, Արմենակ Շահմուրադյանի և հենց իր` Կոմիտասի կատարումները:

 

Ցերեկույթի մասնակիցների տպավորիչ, անմոռաց խոսքը, կոմիտասյան դյութիչ մեղեդին հիացրեց և հուզեց ներկաներին: Ցերեկույթն ավարտվեց Ավ. Իսահակյանի խոսքով. «Սիրելի Կոմիտաս, այսօր և միշտ դու մեզ հետ ես քո շքեղ երգերով, քո բարձր արվեստով…»:

 

Ցերեկույթի կազմակերպիչներին և մասնակիցներին ջերմորեն շնորհավորեցին դպրոցի տնօրեն Աիդա Մուրադյանը և համայնքի ղեկավար Կորյուն Մարգարյանը: Ներկաները հեռացան` իրենց հետ տանելով կոմիտասյան լուսաշող մեղեդին…