Արամ MP3-ը՝ «Եվրատեսիլ 2014»-ի եզրափակչում

Առաջին կիսաեզրափակչին մասնակցող 16 երկրներից 10-ն ընտրվեցին ժյուրիի և հեռուստադիտողների քվեարկության արդյունքում` 50/50 հարաբերակցությամբ՝ անցնելով եզրափակիչ:

 

Հիշեցնենք, որ ելույթ ունեցան նաև Լատվիայի, Էստոնիայի, Շվեդիայի, Իսլանդիայի, Ալբանիայի, Ռուսաստանի, Ադրբեջանի, Ուկրաինայի, Բելգիայի, Մոլդովայի, Սան Մարինոյի, Պորտուգալիայի, Նիդեռլանդների, Մոնտենեգրոյի և Հունգարիայի ներկայացուցիչները:

 

Եզրափակիչ անցան նաև Մոնտենեգրոյի, Հունգարիայի, Ռուսաստանի, Ադրբեջանի, Սան Մարինոյի, Ուկրաինայի, Շվեդիայի, Հոլանդիայի, Իսլանդիայի ներկայացուցիչները:

 

Երկրորդ կիսաեզրափակիչը կայանալու է մայիսի 8-ին, եզրափակիչ անցնելու է ևս 10 երկրի ներկայացուցիչ: Իսկ Մեծ հնգյակի երկրները՝ Անգլիայի, Իսպանիայի, Գերմանիայի, Ֆրանսիայի, Իտալիայի և նախորդ տարվա հաղթող Դանիայի ներկայացուցիչները ելույթ են ունենալու միայն եզրափակչում: 

 

Եզրափակիչ փուլը կայանալու է մայիսի 10-ին: 

 

Մրցույթին մասնակցում է 37 երկրի ներկայացուցիչ: Հիշեցնենք, որ Արամը մրցույթում ներկայացրեց «Not alone» երգը, որի խոսքերի հեղինակն է «Վիտամին» ակումբի անդամ Գարիկ Պապոյանը, երաժշտությունը գրել է Արամ MP3-ին:

 

Աղբյուրը՝ www.panorama.am