Ինտեգրված դաս քիմիայից «Կերակրի աղ» թեմայով

Դասն ինտեգրված էր, ստեղծվեց միջառարկայական կապ գրականություն, պատմություն, աշխարհագրություն, կենսաբանություն առարկաների հետ: Դաս միջոցառման ժամանակ գրականության խումբը ներկայացրեց աղի հետ կապված բազմաթիվ սովորություններ, դարձվածքներ, ավանդազրույցներ: Աշխարհագրության խումբը ներկայացրեց կերակրի աղի համաշխարհային պաշարները, Ղրիմի բուժիչ լճերի, կերակրի աղի առևտրում ներառված երկների մասին տեղեկություններ: Նժդեհիկները հիշատակեցին տարբեր աշխարհամասերում գտնվող կարևոր աղի լճեր: 

 

Պատմաբանները մեկնաբանեցին Լեոնարդո դա Վինչիի «Խորհրդավոր ընթրիք» որմնանկարը, աղի համար առաջացած պատերազմները, ինչպես նաև աղի մանրադրամի կիրառությունը: Կենսաբանները ներկայացրեցին, թե կերակրի աղը մարդկային օրգանիզմի վրա ինչպիսի ազդեցություն կարող է ունենալ (և՛ դրական, և՛ բացասական): Քիմիայի խումբը ամփոփեց կերակրի աղի հատկությունները և կիրառման ոլորտները: Դասը անցկացվեց համակարգչային դասասենյակում, սալիկահանդեսի միջոցով ներկայացվում էր նյութին համապատասխան լուսապատկերներ: Թեման բավականին կարևոր էր և արդիական: