Միջոցառում «Գարնան զարթոնք» Նոր Երզնկայի միջնակարգ դպրոցում

Միջոցառման մասնակիցները I-V դասարանի աշակերտներն էին: Երեխաները հեքիաթային հերոսների պես բեմը զարդարել էին գեղեցիկ խաղով և իրենց հմայքով: Մասնակիցներն իրենց ջերմությունը և տրամադրությունը հաղորդում էին հանդիսատեսին:

Բեմականացրել էին գյուղի աշխատավոր մի ընտանիքի պատմություն, որն անհամբեր սպասում էր գարնան գալստին: Նրանք պայքարում էին ձմռան ցրտի դեմ և իրենց հեքիաթային պատմության ջերմությամբ դահլիճ բերեցին գարունը: 

Գարունն իր կախարդական ծաղկե թագով և արևի շողերով բարի մաղթանքներ և խաղաղություն ավետեց  ամենքին: