Քաղպաշտպանության օրը դպրոցում Աբովյանի №5 դպրոցում

Մինչ այդ աշակերտները և ուսուցիչները դպրոցի քաղպաշտպանության շտաբի պետի անմիջական նախաձեռնությամբ ծանոթացել էին քաղաքացիական պաշտպանության և արտակարգ իրավիճակների համակարգի կառուցվածքին և հիմնական խնդիրներին: Իրականացվեց միջոցառումների մի ամբողջ համալիր` նախապես մշակված պլանի համաձայն. ստեղծվեց ազդարարման միասնական համակարգ,փրկարարական խումբ, ճառագայթային և քիմիական հետախուզության խումբ, հրդեհամարման խումբ,հասարակական կարգի պահպանման խումբ, սանիտարական կետ, թաքստոցի և պատսպարման օղակ,կապի օղակ:Բոլոր կազմավորումները հագեցած էին անհրաժեշտ պարագաներով:

 

Տագնապն ազդարարելուց հետո կազմակերպվեց աշակերտների և ուսուցիչների տարհանում վտանգավոր գոտուց: Քանի որ արտակարգ իրավիճակների և քաղաքացիական պաշտպանության համակարգի կարևոր խնդիրներից է արտակարգ իրավիճակներում բնակչության վարքի կանոնների և գործողությունների ուսուցումը, անցկացվեցին ուսուցողական բնույթի վարժություններ,այն է` առաջին բուժօգնություն, մաշկի պաշտպանության միջոցներ, վիրավորների տեղափոխում պատգարակով: