Շախմատին նվիրված միջոցառում Գանձակի թիվ 1 դպրոցում

Բեմականացվում էր շախմատային ներկայացում, որին մասնակցում էին դպրոցի 5-րդ դասարանի աշակերտները:

Նրանք համապատասխան «մասնագիտական» համազգեստներով հատակին պատկերված շախմատի մեծ խաղատախտակի վրա բացահայտում էին սպիտակ ու սև բոլոր խաղաքարերի ինքնությունն ու հնարավորությունները, կանոնները, հիմնական օրենքները, շախմատի առանձնահատկությունները:

Մասնակից աշակերտները կոչ արեցին հանդիսատեսին ճաշակել շախմատ խաղի գեղեցկությունն ու հարստությունը, բացահայտել նրա գաղտնիքները:

Եվ որպես վերջաբան, փոքրիկ «դերասանները» բարձրաձայնեցին Տիգրան Պետրոսյանի հայտնի խոսքը, որը նաև միջոցառման խորագիրն էր` «Շախմատը ձևով խաղ է, բովադակությամբ` արվեստ, իսկ տիրապետման բարդությամբ` գիտություն»: