Բաց դաս երկրաչափություն առարկայից

Դասը սկսվեց մտագրոհով, որի ընթացքում աշակերտները ներկայացրին ուղղանկյուն եռանկյունների հատկությունները, ինչպես նաև էլեկտրոնային գրատախտակի վրա ցույց տվեցին ուղղանկյուն եռանկյան անկյունները: 

Այնուհետև կատարեցին խմբային աշխատանք` բաժանվելով 4 խմբերի. առաջին խումբը պաստառի վրա տրված ճառագայթով պետք է կառուցեր ուղղանկյուն եռանկյուն` կիրառելով կարկին և քանոն, երկրորդ խումբը պետք է ներկայացնել ուղղանկյուն եռանկյան հատկությունները, երրորդը` պետք է գծեր ուղղանկյուն եռանկյուն և կառուցեր միջնագիծ, կիսորդ, բարձրություն, իսկ չորրորդ խումբը պետք է ներկայացներ ուղղանկյուն եռանկյունների հավասարության հայտանիշները:

 

Հաջորդ առաջադրանքը հետևյալն էր. խմբերին բաժանվեցին թերթիկներ, որոնց վրա պատկերված էին սլաքներով միմյանց հաջորդող եռանկյուններ` նշված որոշակի տվյալներով, պետք էր գտնել վերջին եռանկյան անկյունները և ձևը: Ակտիվ քննարկումից հետո աշակերտներն իրենց լուծումները ներկայացրին էլեկտրոնային գրատախտակի վրա:

Կատարվեց նաև թեստային աշխատանք: Վերջին առաջադրանքը ռեբուսի լուծում էր` պետք է գտնեին «եռանկյուն» բառը: 

Ուշագրավ էր նաև վերջում բաժանված ինքնագնահատման թերթիկները, որոնց միջոցով աշակերտները օբյեկտիվորեն գնահատեցին իրենց աշխատանքը: