Համո Սահյանի 100 ամյակին նվիրված միջոցառում

Դասասենյակում առանձին սեղանի վրա դրված էին Սահյնի հատորները, նկարները, աշակերտների գործնական աշխատանքները, իսկ գրախախտակին ամրացված էր պատի թերթ՝ նվիրված մեծանուն բանաստեղծին: Ողջ աշխատանքը կատարվել էր աշակերտների և ուսուցչուհու համագործակցությամբ: Դասը սկսվեց ուսուցչուհու բացման խոսքով, որից հետո աշակերտները ասմունքեցին Հ. Սահյանի բանաստեղծություններից: Ասմունքը ընդմիջվում էր երգերով, որոնց խոսքերի հեղինակն էր Համո Սահյանը: Ուսուցչուհին պրպտել և գտել էր երգերի տեսահոլովակները՝ «Ախր ես ինչպես վեր կենամ գնամ», «Նաիրյան դալար բարդի», «Դռները բացեք, գարուն է գալիս», որոնք ցուցադրվեցին դասապրոցեսին:

 

Շատ զգացմունքային էր VI «Բ» դասարանի աշակերտուհիներ Մանուկյան Վարդուհու և Սաթենիկ Մաղաքյանի ասմունքը. չէ՞ որ նրանք նաև «Ընթերցման օլիմպիադա 2014»-ի հաղթողներն էին, ուշադրության էին արժանի նաև նաև Ինգան, Ազատը, Զարմուհին, Մարիամները, Լյուդվիգը, Արտյոմը, Վահանը, Հովհաննեսները, Աննան, Վարդանը և մնացած բոլոր աշակերտները: Ներքին պայքար էր մղվում աշակերտների միջև. նրանցից յուրաքանչյուրը ձգտում էր իր գեղեցիկ ասմունքով գերազանցել մյուսներին, գովելի էր նաև տղաների մասնակցությունը:

 

Դասասենյակում թևածում էր սահյանական շունչը: Զգալի էր ուսուցչուհու կատարած մեծ աշխատանքը: Ներկաները մեծ բավականություն ստացան, որովհետև Հ. Սահյանի բանաստեղծությունները հոգեհարազատ են տարբեր սերունդների մարդկանց: Իսկ երգերից շատերի կատարումները, որոնց բառերի հեղինակն է Սահյանը, մենք լսում ենք «Ժողովրդական երգիչ» նախագծի մասնակիցների կատարմամբ: 

 

Դասի ավարտին Մանուկյան Վարդուհին ընթերցեց Համո Սահյանին նվիրված բանաստեղծություն, որը ՀԱՄՈ ՍԱՀՅԱՆ- ի անվանատառերով գրել էր Վարդուհու տատիկը: Ներկաներին բանաստեղծությունը շատ դուր եկավ, և այն իր արժանի տեղը գտավ ուսուցչուհու հավաքած աշխատանքների մեջ:

Այս դասը ևս մեկ անգամ ապացուցեց, որ իրոք Սահյանը խոսքի նկարիչ է: Այն հետքը, որ թողնում են նմանատիպ կազմակերպված դասերը մեր մանուկ սերունդների սրտերում ուղղակի անգնահատելի է, բացի այդ ձևավորում են նաև գեղագիտական դաստիարակություն: