Բաց դաս Ակնալիճ գյուղի միջնակարգ դպրոցում

Դասին ներկա էին տնօրինությունը և այլ ուսուցիչներ: Դասի նպատակն էր` օգնել աշակերտներին վերարժևորել ծնող լինելու վերաբերյալ ունեցած պատկերացումները, գնահատել այն որպես կյանքի արժեք: Դասը հագեցած էր տեսանյութով, կարծիքներով, ծնող լինելու վերաբերյալ թերթիկներով և աֆորիզմներով:

Դասը սկսվեց հատվածներ «Մոր սիրտը» ֆիլմի դիտումով: Ֆիլմի ավարտից հետո աշակերտները կարծիքներ արտահայտեցին` փառաբանելով հայ մայրերին, քննադատելով` անարժան զավակներին:

Քննարկելով թերթիկների մեջ եղած հարցերը, փաստարկները, յուրաքանչյուր աշակերտ ներկայացրեց իր մոտեցումները ծնողի և նրա պատասխանատվության վերաբերյալ: Վերջում կարծիք կազմվեց, որ ծնողի նպատակն է արժանի զավակներ դաստիարակելն է: Հնչեցին նաև հակասական կարծիքներ, մեղադրվեցին այն ծնողները որոնք իրենց երեխաներին անուշադրության մատնելով նրանց անհաջողակ լինելուն են դրդում:

 

Դասն ավարտվեց մոր մասին աֆորիզմներով և թևավոր խոսքերով. «Մոր սիրտն անդունդ է, որի խորքում միշտ էլ ներում կգտնվի», «Մոր օրհնանքը յոթը անեծք էլ կքանդի», «Թե հնար լիներ աշխարհ գալ նորից, կուզեի ծնվել նույն հորն ու մորից»:

Դասն ուներ ուսուցողական և դաստիարակչական նշանակություն, այն աշակերտներին սովորեցրեց հետագա կյանքի ընթացքում ավելի լուրջ գտնվել ծնող դառնալու սրբազան պատասխանատվությանը: