Բաց դաս «Հայոց եղեռն»-ի թեմայով

Ապրիլի 7-ին Գյումրու N 28 հիմնական դպրոցի 8-րդ դասարանում տեղի ունեցավ բաց դաս հայոց պատմություն առարկայից`«Մեծ Եղեռն 99» թեմայով: Կազմակերպիչը պատմության ուսուցչուհի Ան. Առաքելյանն էր: Բաց դասի նպատակն էր աշակերտներին ներկայացնել ցեղասպանության պատճառներն ու շարժառիթները: Աշակերտները խոսեցին ցեղասպանության իրագործման փուլերի մասին: Դասի ընթացքում ներկայացվեց երիտթուրքերի կողմից կատարված անմարդկային խոշտանգումները: Աշակերտները հասկացան,թե ինչ տարբերություն կա «եղեռն» և «ցեղասպանություն» տերմինների միջև: Աշակերտները իմացան, թե ինչու է Մեծ եղեռնը նշվում ապրիլի 24-ին: Ուսուցչուհին լրացուցիչ նյութերով ամբողջացրեց թեման: Հնչեց նաև ասմունք: Դասը հագեցած էր դիդակտիկ պարագաներով`պաստառներ, Ծիծեռնակաբերդ համալիրի մակետ և այլն: 

Բաց դասի ընթացքում ներկայացվեց սլայդ` «Մեծ եղեռն» թեմայով: Ֆլորա Մարտիրոսյանի կատարմամբ hնչեց «Ադանայի ողբ» երգը: