Մոլորակի օրվան նվիրված միջոցառում

Միջոցառումը կրում էր գիտատեղեկատվական բնույթ: Աշակերտները միմյանց լրացնելով, ներկայացնում էին, թե ինչպես պետք է Երկիր մոլորակը պահպանել, նրա առջև ծառացած բոլոր խնդիրները լուծել, բնությունը սիրել, հարստացնել և հոգ տանել նրա մասին:

 

Երեխաները հստակ համոզված էին, որ իրենք են լինելու այն սերունդը, որը պայքարելու է բնությունը աղտոտողների, բնության գեղեցկությունը աղավաղողների, նրա «հրաշալիքները» փչացնողների դեմ: Եվ իբրև իրենց ասածների վառ ապացույց, միջոցառման վերջում նրանք ուղղվեցին դպրոցամերձ այգի՝ ծառատունկ կատարելու և իրենց փոքրիկ ներդրումն ուենալու Երկիր մոլորակի պահպանման գործում:

 

Դպրոցի տնօրենը՝ Ա. Պետրոսյանը, շնորհակալական խոսքեր ուղղելով միջոցառման կազմակերպչին և մասնակիցներին, ներկաների ուշադրությանը հրավիրեց օրվա խորհրդին՝ Երկիր մոլորակի խնդրահարույց հարցերի հրատապությանը, այնուհետև կոչ արեց ներկա երեխաներին ևս բռունցքվել և իրենց նախաձեռնություններով պաշտպանել շրջակա միջավայրը սպառնացող վտանգներից, որպեսզի վաղն ունենանք մաքուր և արևշող Մոլորակ: