Զատկի տոնը Կալավանի միջնակարգ դպրոցում

Աշակերտները մեծ խանդավառությամբ էին նախապատրաստվել միջոցառմանը: Միջոցառումը բաղկացած էր երեք մասից: Առաջին մասում Հայոց եկեղեցու պատմության ուսուցչուհին իրազեկեց Սուրբ Զատկի խորհրդի, նշանակության մասին. ե՞րբ և ինչպե՞ս է սկսվում Զատկի տոնակատարությունը, ինչպե՞ս են մարդիկ ողջունում իրար տոնի օրը, ի՞նչ ուտելիքով են ազդարարվում պահքի ավարտը և ի՞նչ է այն խորհրդանշում:

 

Երկրորդ մասում ներկայացրեցին փոքրիկ բեմականացում՝ «Հիսուսը Հարություն առավ» խորագրով: Երրորդ մասում աշակերտները ներկայացրեցին իրենց ձեռքերով պատրաստված, Զատկի տոնին նվիրված, հուշանվերների ցուցահանդես: