Տիեզերագնացության օրը Արտաշատի թիվ 2 հիմն. դպրոցում

Տիեզերական առեղծվածային խորհրդավորություն էր տիրում դասարանում: Աշակերտները պատրաստել էին մոլորակներ, հրթիռ, աստղեր, բազմաթիվ  շարժանկարներ` երևակայական թռիչք իրականացվեց դեպի տիեզերք: Ներկայացվեց տիեզերքի արարումն ըստ Աստվածաշնչի: Ցուցադրվեց կարճամետրաժ ֆիլմ և ամբողջ դասաժամն ուղեկցվեց սահիկահանդեսով: Դասը ոգեշնչված  էր հետևյալ տողերով՝ «Հավատն առանց գիտության կույր է, գիտությունն առանց հավատի`կաղ»: Դասի նպատակն էր վերհանել աշակերտների տիեզերագնացության, դեպի տիեզերք առաջին թռիչքի, առաջին տիեզերագնացի մասին գիտելիքները` արժևորելով տիեզերքի հետազոտման նշանակությունը մարդկության ներկա և ապագա հնարավոր զարգացումներում: Աշակերտները հեռացան ավելին իմանալու ձգտումով և այն գիտակցությամբ, որ «Տիեզերքի հերոս» դառնում  են մեծ կամքի և երազանքներին հավատարիմ մնալու շնորհիվ: