Բաց դաս Արա Հարությունյանի անվան միջնակարգ դպրոցում

Հարուստ և բազմաբնույթ, ճիշտ և նպատակաուղղված աշխատանքներ էր նախատեսել փորցառու և հմուտ դասվար Ֆաթիմա Մկրտչյանը: Կազմակերպած խաղերով, հնարներով, տրամաբանական խնդիրներով, դոմինոյով, աղյուսակային բազմապատկման և բաժանման վերաբերյալ բազմաբնույթ աշխատանքներով բաց դասը դարձավ ավելի հետաքրքիր և ուսուցողական:

 

Դասաժամը հարուստ էր նաև բազմատեսակ դիդակտիկ նյութերով, որն էլ ամենաթույլ աշակերտներին անգամ ոգևորում էր` հետաքրքրություն առաջացնելով դասի նկատմամբ: 

 

Տարրաբնույթ աշխատանքներով հագեցած էր դասաժամը, որոնց հաջորդած քարտային «անհատական» աշխատանքով էլ ավարտվեց դասը: Բանավոր կերպով ամփոփվեցին արդյունքները, լավագույն կատարած աշխատանքները խրախուսվեցին դասվարի կողմից, իսկ մյուսներին տրվեց հանձնարարական: Աշակերտների համար դասը տպավորիչ էր և ուսանելի, դասվարը հասավ իր առջև դրված նպատակին:

 

Բաց դասը իր յուրահատկությամբ մեծ տպավորություն թողեց ներկաների վրա, որոնք էլ բարձր տրամադրությամբ և ոգևորությամբ հեռացան: