Հովտաշատի միջնակարգ դպրոց սաները բնության պետական թանգարանում

Էքսկուրսիայի նպատակն էր աշակերտների մոտ բնապահպանական աշխարհայացքի ձևավորումը, էկոլոգիական դաստիարակությունը, Հայաստանի կենդանական ու բուսական աշխարհի բազմազանության յուրահատուկ նմուշների ուսումնասիրումը: Այնտեղ աշակերտները ծանոթացան նաև Կարմիր գրքում ընդգրկված կենդանիներին:

 

Աշակերտները մեծ ոգևորությամբ շրջում էին Հայաստանի բնության թանգարանի սրահներով: Եվս մեկ անգամ աշակերտները համոզվեցին, որ մեր երկրի բնությունը հարուստ է և բազմազան: Թվում է, թե ամեն ինչ գիտես քո հայրենի բնության մասին, բայց բավական է այցելել թանգարան, որտեղ ամեն ինչ համակարգված և խորը ուսումնասիրված է ներկայացվում, հասկանում ես, որ դու շատ  քիչ գիտես քո հայրենիքի բուսական և կենդանական աշխարհի բազմազանության վերաբերյալ: Էքսկուրսիան շատ հետաքրքիր էր, տպավորիչ և ուսանելի: