Միջոցառում՝ նվիրված Ջրի միջազգային օրվան

Մեր երկիրն աշխարհի եզակի երկներից է, որ ունի ամենաթանկ հարստություններից մեկը՝ խմելու ջրի պաշարներ: Այս միտքն է, որ «կարմիր թելի» պես անցնում էր ողջ միջոցառման ընթացքում: Աշակերտները գեղեցիկ և հստակ խոսքով ներկայացրին ջրի «կյանքը» երկրի վրա: Ինչպես նաև նրա քիմիական, ֆիզիկական, կենսաբանական կառուցվածքները և  կիրառությունները՝ փոքրիկ բեմադրությունների միջոցով: Պատմության ուսուցչի հետ ներկայացրին ջրի պաշտամունքային դերը մեր դիցաբանության մեջ, ինչպես նաև ներկայացրին «սուրբ ջրի» մաքրագործող նշանակությունը: Հետաքրքիր տեսանյութի միջոցով ներկայացվեց ջրի հիշողության մասին տեղեկատվություն:

 

Միջոցառման վերջին մասը նվիրված էր խմելու ջրի պահպանման համաշխարհային հիմնախնդրին: Աշակերտները ամենայն սրտացավությամբ ներկայացրին խմելու ջրի սղության ու սակավության մասին իրենց իմացությունը և առաջ քաշեցին խմելու ջուրը պահպանելու սեփական տարբերակները: Միջոցառումն ավարտվեց մի ընդհանուր եզրահանգմամբ՝ կոչ ուղղված աշխարհի իրենց հասակակիցներին. «Պահպանենք խմելու ջուրը, այն աշխարհում շատ քիչ է: Չմոռանանք՝ ջուրը կյանք է»: