Էկոլոգիային նվիրված միջոցառումների շարք Եղեգնաձորի թիվ1 դպրոցում

Առաջին փուլը՝ «Ես ուզում եմ ապրել մաքուր մոլորակում» խորագրով, իրականացվեց պաստառների միջոցով, որոնք պատրաստվել էին 5-րդ և 6-րդ դասարանցիների կողմից: Կային հրաշալի մտահղացումներ և աշակերտները լավատեսորեն իրենց մոլորակը պատկերացնում էին ապագայում մաքուր և արևաշող:

 

Միջոցառման երկրորդ փուլն իրականացվեց «Կյանք  տուր  թափոններին» խորագրով: Տարրական դասարանների աշակերտների և նրանց դասվարների միջոցով մի հրաշալի ցուցահանդես կազմակերպվեց, որին ներկա էին կրթության վարչության աշխատակիցները, Եղեգնաձորի ԿԱԻ-ի մասնաճյուղի աշխատակիցները, հարակից դպրոցների ուսուցիչները և աշակերտները, 5-րդ  մանկապարտեզի սաները:

 

Միջոցառման նախաձեռնությունը կենսաբանության ուսուցչուհի Արմինե Մխիթարյանինն էր, ով ջանք ու եռանդ չէր խնայել միջոցառումը բարձր մակարդակով անցկացնելու համար: