Դորա Սերվիարյան-Կյունի համերգը և ֆիլմի ցուցադրությունը՝ Երևանում

Հաջորդ օրը` ապրիլի 19-ին, անվանի դաշնակահարուհին «Մոսկվա» կինոթատրոնի Կապույտ դահլիճում կներկայացնի Հոլիվուդի կինոփառատոնի մրցանակակիր (2003թ.) իր իսկ հեղինակած «Խաչատրյան» (2003թ.) լիամետրաժ վավերագրականը` պատմող մեծանուն կոմպոզիտորի մասին, տեղեկացնում են ֆիլհարմոնիկ նվագախմբի մամուլի ծառայությունից:

 

«Ֆիլմիս հանդիսատեսը հիմնականում երիտասարդությունն էր և նրանք, լինելով անտեղյակ հայ մեծ կոմպոզիտորի կյանքից, դիտելիս հուզվում ու լալիս էին: Ֆիլմի ամբողջ ընթացքում հնչում է Խաչատրյան: Սա նպատակ ունի պրոպագանդելու կոմպոզիտորին ու ապացուցելու, որ Արամ Խաչատրյանը «Սուսերով պարից» առավել գեղեցիկ ստեղծագործություններ ունի»,- ասաց Դորան:

 

Նա նաև հավելեց, որ ֆիլմի պատրաստման համար կադրեր է ձեռք բերել դեռ ՀԽՍՀ-ի տարիներին: Իսկ այժմ ցանկություն ունի անդրադառնալու Սերգեյ Փարաջանովի կյանքին:

 

Միջազգային հանրությանը հայտնի լինելով որպես Արամ Խաչատրյանի դաշնամուրի կոնցերտի առաջատար մեկնաբան` Դորա Սերվիարյան-Կյունը (1996թ. ASV-ում) իրականացրել է ստեղծագործության ձայնագրությունը Հայաստանում: Թողարկված ձայներիզն առանձնանում է իր լիարժեք հայկականությամբ. մասնավորապես` ձայնագրությունն իրականացվել է Արամ Խաչատրյան համերգասրահում, որտեղ Դորա Սերվիարյան-Կյունին նվագակցում է Հայաստանի Ֆիլհարմոնիկ նվագախումբը՝ Լորիս Ճգնավորյանի ղեկավարությամբ:

 

Աղբյուրը՝ www.panorama.am