Ստեղծագործում են Զովաբերի միջնակարգ դպրոցի աշակերտները

Ցուցահանդեսը ոգևորել էր թե՛ ստեղծագործողներին, թե՛ դպրոցի մյուս աշակերտներին: Ամեն մեկը ցանկանում էր գտնել իր աշխատանքը, կամ մեկնաբանել մյուսների աշխատանքը:

 

Ցուցահանդեսի նյութերից երևում էր,որ աշակերտները տեխնոլոգիայի դասաժամերին ձեռք են բերել գիտելիքներ գրաֆիկայից, բնական ու արհեստական նյութերից, գաղափար են կազմել ինտերիերի մասին: Պատրաստել էին մատնային (մատնոցային) տիկնիկներ, ձեռնոցային տիկնիկներ, խոհանոցային պարագաներ: Թղթե և ստվարաթղթե աշխատանքներով ապացուցում էին իրենց հմտությունն ու հնարամտությունը:

 

Ուսուցչուհին կարողացել էր ողջ ուսումնառության ընթացքում բացահայտել նրանց բազմաշնորհ կարողությունները, այն համադրելով դասագրքի նյութերի հետ և ստանալ յուրօրինակ աշխատանքներ:

 

Կարևորն այն է, որ ցուցահանդեսը աշխատանքի մղեց այն աշակերտներին, ովքեր ուսումնական տարվա ընթացքում աչքի չէին ընկել իրենց լավ սովորելով, բայց ունեին հմուտ ձեռքեր, պրպտող միտք: Ցուցահանդեսը, ցույց էր տալիս, որ երեխաների մեջ ձևավորվել ու դեռ կշարունակվի ձևավորվել գեղագիտական ճաշակ, ինչը ցուցահանդեսի հիմնաքարն էր: