Միջոցառումը նվրված էր մայրության և գեղեցկության տոնին

Տոնական զարդարված դահլիճում տիրում էր գարնանային ջերմ տրամադրություն: Աշակերտները իրենց սրտի ջերմ խոսքերն հղեցին մայրերին, տատիկներին և ուսուցիչներին: Նրանք արտահայտիչ ու հուզառատ ասմունքով, ուրախ երգ ու պարով, ջերմ շնորհավորանքներով ու մաղթանքներով իրենց մեծ սերն ու երախտագիտությունը հայտնեցին սիրելի մայրիկներին, փորձեցին թեկուզ  կարճ ժամանակով թեթևացնել նրանց հոգսաշատ կյանքը:

 

Իսկապես, անկեղծություն կար նրանց թե’ խոսքի, թե’ երգ ու պարի մեջ. այդ էին վկայում մայրերի սիրառատ, արտասվախառն ժպիտները` ուղղված զավակներին: Երգչուհի Ք. Պեպելյանի «Մայրիկ» երգի հնչյունների ներքո նրանք մայրերին և ուսուցիչներին նվիրեցին գեղեցիկ ծաղիկներ, ինչպես նաև պրոեկցիայի միջոցով ցուցադրեցին իրենց լուսանկարները մայրիկների հետ, որն ի դեպ անակնկալ էր նրանց համար:

 

Միջոցառման սկզբից մինչև վերջ դահլիճում տիրում էր ուրախ, տոնական տրամադրություն: Շնորհավորանքի խոսքեր ասացին թիվ 18 դպրոցի տնօրեն Լ. Հակոբյանը, դասղեկ` Մ. Չախոյանը: Շնորհավորանքի և շնորհակալության խոսքեր ասացին նաև ծնողները` իրենց ջերմ ու հուզիչ պահեր պարգևելու, անակնկալ մատուցելու համար: