Միջոցառում Ալավերդու թիվ 11 միջնակարգ դպրոցում

Դաս-միջոցառումը կազմակերպել էր պատմության ուսուցչուհի Ռ. Բաբայանը՝ 7-րդ, 9-րդ, 11-րդ, և 12-րդ դասարանների աշակերտների մասնակցությամբ: Աշակերտները մեծ ոգևորությամբ ներկայացրեցին կենսագրական տվյալներ Գարեգին Նժդեհի կյանքից ու գործունեությունից, մտքեր` «Ցեղակրոն» ուսմունքից ու հուշագրերից:

 

Ներկաներին ողջունեց արցախյան հերոսամարտի մասնակից, դպրոցի ռազմագիտության ուսուցիչ Վրեժ Պետրոսյանը: Իր ելույթում նա նշեց, որ Նժդեհի ուսմունքն ու խոսքերը կյանքի կարևոր դասեր են, որոնց պետք է հետևել դեռևս վաղ հասակից:

 

Մեկ անգամ ևս կարևորեցին ազգային բանակի, մեր հերոսների ավանդն ու դերը հայոց պետականության կերտման գործում: Դիտեցին տեսաֆիլմ՝ նվիրված մեծ հայորդուն: Դասն ավարտվեց «Նժդեհի երգի» ոգեշունչ կատարմամբ: