Գարնանային միջոցառում Նոր Կեսարիայի միջնակարգ դպրոցում

Գարնան տոնը դպրոցում կրկնապատկվել էր. «Շնորհավոր գարունդ, Հայաստան» խորագրով միջոցառում էին կազմակերպել դպրոցի սաները:

 

Միջոցառմանը ներկա էին Նոր Կեսարիա համայնքի ղեկավար Հրայր Գալստյանը և դպրոցի մանկավարժական անձնակազմը: Դպրոցի մուտքի կամարներից սկսած հյուրերին դիմավորում էին գարնանային շնչով ձևավորված պաստառները: Ցերեկույթի մասնակից երեխաները իրենց սեղմ, բայց բազմաբովանդակ խոսքերով կարողացան ներկաների մեջ հերթագայող տրամադրություններ արթնացնել` մերթ հերոսական հաղթանակներ, մերթ հպարտություն, մերթ սեր: Իսկ վերջում գարնան խուրհուրդն ամբողջացավ, երբ փոքրիկ աղջնակը  «Թող գարնան սիրուց վառվեն բոլորը, հուրհրան արևի նման ու սլանան դեպի արևը» բառերի ներքո բոլոր երեխաներին բաժանեց գարնանային մաղթանքներով «հրովարտակներ» և գարնան խորհրդանիշ նարգիզներ:

 

Միջոցառման ավարտին դպրոցի դաստիարակչական աշխատանքների կազմակերպիչ և միաժամանակ միջոցառման կազմակերպիչ Նաիրա Զաքարյանը շնորհավորեց բոլոր ներկաներին գարնան գալուստի կապակցությամբ և իր խոսքում ընգծեց, որ ինքը շատ է կարևորում աշակերտների հոգևոր դաստիարակությունը:

 

Հաջողված միջոցառման առիթով ողջույնի խոսք ասաց նաև դպրոցի տնօրեն` Վարդան Հակոբյանը: Հայի ոգին սերունդների մեջ կենդանի պահելու առաքելությունը տարիներ ի վեր դրված է դպրոցի ուսերին և աշակերտները այս միջոցառմամբ մեկ անգամ էլ ապացուցեցին, որ մեր ժողովուրդի ապագան հուսալի ձեռքերում է: