Թումանյանական դաս՝ Գանձակ գյուղի թիվ 2 դպրոցում

Ցերեկույթը կազմակերպել էր դպրոցի հայոց լեզվի և գրականության ուսուցչուհի Անուշ Բարսեղյանը: 11-րդ դասարանում ստեղծվել էր գրական – երաժշտական կոմպոզիցիա:

 

11-րդ դասարանի աշակերտները ներկայացրին մեծ բանաստեղծի կյանքն ու հասարակական գործունեությունը, արտասանեցին բանաստեղծություններ, քառյակներ: Ասմունքով հանդես եկավ նաև ուսուցչուհին:

 

Գեղեցիկ երաժշտության, սահուն զուգապարի միջոցով աշակերտները բեմականացրին հատվածներ Թումանյանի ստեղծագործություններից:

 

ՈՒսուցչուհին ցերեկույթը եզրափակեց մեծ արձակագիր, Թումանյանի հայրենակից Հրանտ Մաթևոսյանի ձևակերպմամբ. «Թումանյանից մեծ, նրանից շիտակ մարդ մեր ազգը չի երկնել, զորավարների մեջ զորավար մնաց, քաղաքագետների մեջ` քաղաքագետ: Նա մնաց ժողովուրդ ու ժողովուրդ պահեց… Թումանյանով մենք կանք: Առանց Թումանյանի մենք չկանք: Տարազգի- տարալեզու գրականության  մեծ աշխարհ մենք մտանք Թումանյանով, և այդ աշխարհը այլևս մեր եզերքն է»: