Միջոցառում Նորավանի միջնակարգ դպրոցում

Խոսուն և գրավիչ էր դահլիճի ձևավորումը. աշակերտների ասմունքն ու խաղը այնքան անմիջական էին, այնքան գեղեցիկ, որ հանդիսատեսը ակամայից տեղափոխվել էր նահապետական գյուղ, և նրան տեսանելի էր դարձել Թիֆլիսի շուկայի եռուզեռը, Գիքորի լուռ տառապանքները և երազանքները:

 

Բեմադրվեց «Անուշ» պոեմից հատված, որն իր գույների ներդաշնակությամբ, աշակերտների գեղեցիկ խաղով արտացոլում էր տվյալ ժամանակաշրջանի վարքն ու բարքը, Անուշի և Սարոյի հավերժական սերը, նրանց դառը ապրումները: Աշակերտները խորը ընկալումով և ապրումներով ներկայացրին Թումանյանի հայրենասիրական քնարերգությունը: 

 

Հատկապես ուշագրավ էին Թումանյանի քառյակները: Աշակերտները, գիտակցելով քառյակների խորը փիլիսոփայությունը, մեծագույն լրջությամբ ու գեղեցիկ ասմունքով ներկայացան:

 

Հատկանշական էր, որ միջոցառմանը ընդգրկված էին տարբեր տարիքի և ունակությունների աշակերտներ, որոնք սիրով, պատրաստակամությամբ և խանդատանքով տոնի վերածեցին մեծն բանաստեղծին նվիրված միջոցառումը: