Բաց դաս Նորավանի դպրոցում

Դասը հագեցած էր դիդակտիկ նյութերով` պաստառներ, շրջանի մասեր, թվերով շրջաններ, գունավոր թղթեր: Դասապրոցեսի խթանման և իմաստավորման փուլերում օգտագործվեցին մտագրոհի, հարց ու պատասխանի, էվրիստիկ զրույցի մեթոդները: Կշռադատման փուլում  կատարվեց խմբային աշխատանք՝ փոքրիկ խաղ-մրցույթ: Դասարանը բաժանվեց երեք խմբի, որոնք պետք է պատրաստեին 3 երիցուկներ: Նրանց 5 թերթիկների վրա պետք է գրված լինեին ճիշտ թվեր: Ուսուցչուհին պոկում է սխալ թվերով թերթիկները, և հաղթում է այն խումբը, որի պատրաստած երիցուկի  թերթիկները ամենաշատն էին:

 

Առաջադրանքը ինտերակտիվ էր և ապահովում էր աշակերտների առավելագույն մասնակցություն: Նույնիսկ ամենաթույլ աշակերտը ոգևորված էր և ակտիվ մասնակցում էր առաջադրանքի կատարմանը:

 

Նոր նյութը յուրացնելուց և ամրապնդելուց հետո` դասապրոցեսի վերջում, ուսուցչուհին ստեղծեց համապատասխան ուսումնական իրավիճակ, որն աշակերտների մոտ ամրապնդեց մաթեմատիկան սովորելու անհրաժեշտության գիտակցումը: