«Մորս ժպիտով գարուն է եկել…» խորագրով միջոցառում

Օրերս գարնանային տոնական տրամադրություն էր թևածում Արագածոտն մարզի Բազմաղբյուրի Նվեր Սաֆարյանի անվան միջնակարգ դպրոցում:

 

4-րդ դասարանցիները դասվար Ամալյա Գրիգորյանի ղեկավարությամբ կազմակերպել էին ցերեկույթ՝ «Մորս ժպիտով գարուն է եկել…» վերնագրով:

 

Միջոցառումը սկսվեց փոքրիկ բեմադրությամբ, որի ընթացքում երեխաները պատմեցին իրենց մայրիկների մասին, բնութագրելով նրանց ամենալավ հատկանիշներով:

 

Հետո բեմադրեցին ծաղիկների պարը: Թվում էր, թե այգու բոլոր ծաղիկները, շունչ էին առել ու եկել պարահրապարակ ու պարահանդեսում փայլում էին իրենց ողջ շքեղությամբ: Դասարանի պատից նայում էին փոքրիկ տղան ու աղջիկը, ովքեր բազմերանգ ծաղիկներ էին բաժանում բոլորին:

 

Առավել հուզիչ էր փոքրիկների «Մամա,մամա քեզ սիրում եմ…» երգը: Դա մի շնորհակալական խոսք էր աշխարհի բոլոր մայրերին ու կանանց:

 

Աշակերտները երգեցին գեղեցիկ ու լուսավոր երգեր, արտասանեցին ավետաբեր ծաղկի՝ ձնծաղիկի, ծիծեռնակի ու արևի, մայրիկի մասին: Հ. Շիրազի՝ մորը  նվիրված բանաստեղծությունները  հուզեցին բոլորի սրտերը:

 

Կարծես գարնան շունչն էր մտել դասարան և բազմերանգ ծաղիկների բույրով ու թռչունների դայլայլով լցրել ներկաների հոգիները: