Դաս-միջոցառում «Շրջակա միջավայրի պահպանության» թեմայով

Դպրոցի դահլիճը կահավորված էր բնական և արհեստական նյութերի թափոններից պատրաստված հետաքրքիր իրերով, առարկաներով:

 

Փոքրիկները ցուցադրեցին «Աղբն ո՞վ թափեց» բեմադրությունը: Նրանք այդ բեմադրության միջոցով հասկացան, որ աղբը կուտակվել էր իրենցից յուրաքանչյուրի թափած իրերից ու առարկաներից: Նրանք հասկացան, որ միայն իրենց բակը չէին կեղտոտել, այլ Երկիր մոլորակն էին կեղտոտել: Խոստացան, որ էլ երբեք նման բան չեն անի:

 

Այնուհետև նրանք ըստ խմբերի կարևորեցին, որ կյանքի գոյության անհրաժեշտ պայմանները հողը, ջուրը, օդը, արևն են: Տեղեկություններ տվեցին հողի, ջրի, օդի, արևի մասին, երգեցին, արտասանեցին:

 

Նրանք հասկացան, որ Երկիր մոլորակը իրենց տունն է, որին պետք է սիրեն և խնամքով վերաբերվեն:

 

Կարևորեցին, որ պետք է ծառ տնկեն, խնայեն Էլեկտրաէներգիան, խնամքով օգտագործեն ջուրը, վերամշակեն և վերօգտագործեն անպետք թվացող իրերը, առարկաները: Ստեղծել էին «Օգնենք Երկրին» ցուցահանդեսը:

 

Միջոցառումը ուսանելի էր, օրինակելի, որը մեծ բավականություն պարգևեց բոլոր ներկաներին: