«Մեր բանակը մեր տունն է, մեր բերդ ամրոցը» խորագիրը կրող միջոցառում Ոսկետափի ավագ դպրոցում

Բեմում ծածանվող բազմաթիվ եռագույնները, զինվորական համազգեստ կրող ու մեկ օրով զինվոր դարձած աշակերտները ևս մեկ անգամ ապացուցեցին, որ հայն այն զինվորն է, ով չի հանդուրժում թշնամու ոտնձգությունները և ձեռքը զենք է վերցնում` հանուն հողի ազատության ու ազգի արժանապատվության:

 

Միջոցառման ընթացքում հնչեցին հայրենասիրական բազմաթիվ բանաստեղծություններ ու երգեր: Աշակերտները իրավացիորեն նշեցին, որ զինվոր-ազատամարտիկների անունն ու փառքը լույսի, ցավի և հպարտության նշխարներ են:

 

Ճիշտ ապրելով, կերտելով ու շարունակելով պետք է արժանի լինել նրանց թափած արյանը և ազնիվ գոյության շիտակ ուղեծրի մեջ կարողանալ պահպանել նրանց շունչն ու հայրենասիրական ոգին:

 

Ներկաները չթաքցրեցին իրենց հիացմունքը, դրվատանքի խոսքեր շռայլեցին միջոցառման բոլոր մասնակիցներին և միջոցառման կազմակերպչին` Լ. Սարգսյանին: