Բաց դաս Մատենադարանում

Մատենադարանում անցկացվեց բաց դաս` «Շրջագայություն Մատենադարանում» թեմայով: Դասի հիմնական նպատակն էր լայնածավալ տեղեկություններ ստանալ հայ ժողովրդի ստեղծագործ մտքի և ազնիվ տքնանքի խոսուն վկայի` Մատենադարանի մասին, զարգացնել լսելու, ցածրաձայն խոսելու և ստացված տեղեկությունների արդյունքը ներկայացնելու կարողություններ:

 

Աշակերտներին սրահներով ուղեկցեց էքսկուրսավարուհի Մ.Եղիկյանը, որը ծանոթացրեց, հետաքրքիր տեղեկություններ ու փաստեր ներկայացրեց Մատենադարանում գտնվող տարբեր դարաշրջանների ձեռագիր մատյանների մասին, որոնց շնորհիվ Մատենադարանն այսօր դարձել է համաշխարհային նշանակություն ունեցող գիտական ու մշակութային կենտրոն:

 

Դասվար Սեդա Առաքելյանի կողմից տրված և Մ.Եղիկյանի կողմից ավելացված տեղեկությունները ծառայեցին աշակերտների արժեքային համակարգի ձևավորմանը, դաստիարակեցին հոգածու վերաբերմունք հայրենիքի, մայրենիի մշակութային արժեքների նկատմամբ, ազգային հպարտություն, բարեկիրթ պահվածք:

 

Էքսկուրսիայի բոլոր մասնակիցները` աշակերտները և ծնողները, ստացան հոգևոր սնունդ և բավականություն: