Գիտաժողով Գյումրու թիվ 15 դպրոցում

Նախաբանով հանդես եկավ առարկայի ուսուցչուհի Ս. Սարգսյանը: Նա նշեց, որ միջոցառման նպատակն է տեղեկացնել աշակերտներին իրենց ժառանգություն թողած բնօրրանի ներկայիս վիճակի, խնդիրների և դրանց լուծման ուղիների մասին:

 

Աշակերտները բաժանված էին հետևյալ խմբերի՝ նախագահ, ով հետևում էր «գիտաժողովի» ճիշտ ընթացքին, կենդանական և բուսական աշխարհի մասին ելույթներ պատրաստած «մարդիկ», թղթակիցներ, ովքեր նախապաատրաստել էին հարցեր ներկաների համար:

 

Նախագահի հրահանգով ազդարարվեց «գիտաժողովի» սկիզբը և մեկ րոպե լռությամբ հոտնկայս հարգեցին «Կարմիր գրքում» գրանցված և անհետացման եզրին գտնվող բուսական և կենդանական աշխարհի ներկայացուցիչների հիշատակը:

 

Մասնակիցները հետաքրքիր տեղեկություններ իմացան կենդանական և բուսական աշխարհի մասին: Միջոցառման ողջ ընթացքը համեմվեց սահկահանդեսով, հետաքրքիր տեսաֆիլմերով: Այդ աշխատանքները կատարվել էր ինֆորմատիկայի ուսուցչուհի Ա. Հարությունյանի անմիջական միջամտությամբ:

 

Ուսուցչուհի Ս. Սարգսյանը արժևորեց շրջապատող աշխարհի առարկյական ճանաչումից անցնել դրանց բացահայտմանը և դրանց խելացի օգտագործմանը:

 

Միջոցառում «գիտաժողովը» շատ արդիական էր, ճիշտ ընտրված ենթակետերով, հագեցված դիդակտիկ նյութերով, մատչելի տեղեկություններով և շատ ուսանելի էր: Ուսուցիչը հուսով է, որ այն հետագայում կնպաստի բնության պահպանությանը:

 

Չմոռանանք, որ մենք բոլորս մեզ շրջապատող աշխարհի անբաժանելի մասնիկն ենք, պահպանենք այն…