«Անաղարտ պահենք մեր ոսկեղենիկ մայրենին» խորագրով միջոցառում Նոր Հաճնի թիվ 1 դպրոցում

Բեմի պատերին հայտնի ու խորիմաստ ասույթներ էին մայրենին անաղարտ պահելու մասին:

 

Ռ. Մաթևոսյանի «Մաշտոցյան տառեր» երգի ուղեկցությամբ երեխաներն արտասանեցին բանաստեղծական տողեր` Մ. Մաշտոցին նվիրված:

 

Աշակերտների մի մասը բեմ բարձրացան գիրք – հանդերձով: Նրանք դարձել էին «Խրատանի», «Առականի», «Հեքիաթներ», «Մաթեմատիկա», «Աշխարհագրություն» և պայքարում էին մայրենիի «Հիվանդ» բառերի առողջացման համար:

 

Աշակերտները ներկայացրին փոքրիկ կատակ բեմականացում: Դասարանի շնորհալի աղջիկները հանդիսատեսին գերեցին իրենց պարով:

 

Հանդիսատեսը տեսավ, լսեց, զգաց հանդես փառաբանություն մայրենի լեզվին նվիրված: