Միջոցառում Գյումրու թիվ 7 դպրոցում

Ծրագիրը նախորոք կազմվեց և ուղարկվեց Շիրակի մարզի ավագ զինղեկին: IX «ա»  դասարանի աշակերտները` իրենց ուսուցչուհի Ս. Կարապետյանի գլխավորությամբ քննարկեցին Րաֆֆու «Սամվել» վեպը, վերհանեցին Սամվելի կերպարի առանձնահատկությունները, պատմական ժամանակահատվածի ֆոնի վրա:

 

IX «բ» դասարանը, ուսուցչուհի Ք. Հարոյանի առաջարկով, քննարկեց Խաչիկ Դաշտենցի «Ռանչպարների կանչը» վեպը, աշակերտները մեծ ոգևորությամբ ներկայացրին ֆիդայինների հայրենանվեր գործունեությունը:

 

IX «ա» ռուսերենով ուսուցմամբ դասարանում ուսուցչուհի Վ. Գևորգյանի նախաձեռնությամբ կազմակերպվեց Մուրացանի «Գևորգ  Մարզպետունի» վեպի թեմայով մրցույթ-բանավեճ, և դասն ավարտվեց Աշոտ Երկաթի դատավարությամբ: Աշակերտներն եկան այն համոզման, որ պետական այրը, ինչքան էլ անձնական շահն ու կյանքը ստորադասեր հայրենիքին, մինչև վերջ պետք է կարողանար մնալ իր զոհաբերության տերը:

 

Դասերը բավականին ուսուցանող էին: