Լիբանանում ավարտվել է Արցախյան շաբաթը

ԱԳՆ մամուլի ծառայությունից տեղեկացնում են, որ երաժշտական երեկոներ և հանդիպումներ են անցկացվել հայաբնակ Այնճար ավանում, Բեյրութի «Տեր-Մելքոնյան» համերգասրահում և հայկական կրթօջախներում:

 

Լիբանանի հայոց թեմի առաջնորդարանում տեղի է ունեցել եզրափակիչ միջոցառում, որի ընթացքում արցախցի 17 գեղանկարիչների ցուցահանդեսի պաշտոնական բացումն է եղել և կայացել է երիտասարդ երաժիշտների գալա-համերգը:

 

Պատվիրակության ղեկավար, Լեռնային Ղարաբաղի Հանրապետության մշակույթի և երիտասարդական հարցերի փոխնախարար Լեռնիկ Հովհաննսիյանը փոխանցել է իր խորին երախտագիտությունը ջերմ ընդունելության համար և «Արցախ ֆոնդ»-ի նախագահ Մելքոն Հակոբյանին հանձնել հուշամեդալ:

 

Երեկոյին ներկա են եղել պաշտոնայներ, ազգային կառույցների ղեկավարներ, կրոնական առաջնորդներ, Լիբանանում ՀՀ դեսպանության անձնակազմը:

 

Աղբյուրը՝ panorama.am