Միջոցառում «Թթվածնի դատավարությունը» խորագրով

Դատին մասնակից էին դատավորը, դատախազը, դատապաշտպանը, մեղադրյալ Թթվածինը, դատապաշտպանի և մեղադրյալ կողմերի վկաները, մի խումբ փորձագետներ:

 

Լսելով բոլոր վկաներին, դատաղազին, դատապաշտպանին և մեղադրյալին՝ դատարանը որոշեց մերժել հայցն ընդդեմ Թթվածնի և ազատեց նրան հենց դատարանի դահլիճում:

 

Վկաների և փորձագետների ելույթները ուղեկցվում էին շնորհանդեսով, որն ավելի ակնհայտորեն ապացուցեց թթվածնի անհրաժեշտությունը կյանքում և անմեղությունը այն բոլոր փաստարկումներում, որոնք բերվում էին դատախազի կողմից:

 

Դահլիճում ներկա աշակերտները ևս դարձան դատավարության մասնակից՝ որպես դատավարության երդվյալ ատենակալներ, որոնք իրենց բերած օրինակներով, փաստերով և լրացված հարցաթերթիկներով օգնեցին դատավորին ճիշտ վճիռ կայացնել:

 

Միջոցառումը ծառայեց իր նպատակին՝ աշակերտները կրկնեցին և ամփոփեցին իրենց գիտելիքները թթվածնի վերաբերյալ, գիտակցեցին նրա անհրաժեշտությունը կյանքում, և հետաքրքրություն առաջացրեցին քիմիա առարկայի նկատմամբ: