Թումանյանական դաս՝ Վաղարշապատի թիվ 9 հիմնական դպրոցում

Մեծ լոռեցու շունչը համակել էր բոլորին: Պատերին ամրացված էին ցուցապաստառներ` մեծերի` Թումանյանին նվիրված խոսքերով:

Դասն ընթանում էր սահիկահանդեսի զուգորդմամբ, որը շոշափելի էր դարձնում գրողի կենդանի ներկայությունը:

 

Հնչեցին հատվածներ «Անուշ» օպերայից, ընթերցվեց համապատասխան հատվածը Սևակի «Անլռելի զանգակատուն» պոեմից:

 

Շեշտադրվել էր բանաստեղծի բնավորության գծերից մարդասիրությունը: Հավաստելու համար Թումանյանի մարդասիրական անքեն ոգին, աշակերտները ներկայացրին մանրապատումներ (Աղայան-Պռոշյան խռովության հանգուցալուծումը): Անդրադարձան քառյակներին, «լավ մարդու» թումանյանական պատկերացումներին:

 

«Աշխարհքում ամեն բան հեշտ է, դժվարը մարդ լինելն է. հեշտ բան հո չի՞ մարդ լինել». ահա ամենայն հայոց բանաստեղծի հավատամքն ու հարցադրումը: