Տոնական միջոցառումներ թիվ 155 դպրոցում

Տոնական տրամադրությունը շարունակվում էին մի քանի օր:

 

Դպրոցի նախասրահում III- IX դասարանների աշակերտները միաժամանակ բեմադրել էին Թումանյանի տարբեր ստեղծագործություններից հատվածներ: Դաս-միջոցառում էր III «բ» դասարանում՝ «Մեր սիրելի Թումանյանը» խորագրով:

 

Երեխաները ներկայացրեցին, թե ինչ են ասել մեր մեծերը Թումանյանի մասին, և ինչ է ավանդել Թումանյանը: Հոտնկայս ծափահարություններ հնչեցին Մեծն բանաստեղծի համար: Դաս-միջոցառումը համեմված էր սլայդներով: Տպավորված էին և՛ աշակերտները, և՛ հյուրերը:

 

Թումանյանի հերոսներն այցելեցին թիվ 47 մանկապարտեզ: Նկարների ցուցահանդես է կազմակերպվել Թումանյանի ստեղծագործությունների մոտիվներով:

 

Դպրոցի աշակերտները այցելեցին գրադարան և գիրք նվիրեցին՝ պահպանելով օրվա խորհուրդը:

 

Օրն ավարտվեց քաղցր անակնկալով՝ տորթ գրքի տեսքով:

 

Թումանյանական տոնը շարունակվեց նաև դպրոցից դուրս: Գիրք նվիրելու օրվա առթիվ Թումանյանի հերոսները շրջեցին դպրոցի հարակից փողոցներով, փոքրիկ ներկայացումներով ուրախություն պարգևեցին անցորդներին, նվիրեցին գրքեր:

 

IV «ա» դասարանի աշակերտների ուժերով բեմադրվեց տիկնիկային ներկայացում: Մեծ պատիվ երեխաների համար, որ դահլիճում էր նաև Թումանյանի «Տերն ու ծառան» նորովի, հագեցած պիես դարձրած, տիկնիկային արվեստի վարպետ, նվիրյալ Ռուբեն Մարուխյանը:

 

Սա հանդես չէր, այլ տոն երեխաների, ծնողների, մանկավարժների համար: